Duha ka indibidwal nga giila sa ilang mga alyas nga “Sara,” 30 anyos, ug “Robert,” 22 anyos, ang nadakpan sa gipahigayon nga entrapment operation sa Cebu Provincial Cyber Response Team sa PNP, Hunyo 7, 2025, alas 4:30 sa hapon.
Nasikop ang mga suspetsado human ilang gibaligya online ang duha ka nakawat nga motorsiklo. Ang maong operasyon gihimo sa Lapu-Lapu City.
Nag-atubang karon ang mga suspetsado sa kasong paglapas sa Article 315 (Swindling/Estafa) sa Revised Penal Code, Presidential Decree 1612 (Anti-Fencing Law of 1979), ug Section 6 sa Republic Act No. 10175 o Cybercrime Prevention Act of 2012.
Gipadayag ni Police Brigadier General Bernard R. Yang, ang Acting Director sa PNP Anti-Cybercrime Group, ang iyang pagpasalamat ug pagdayeg sa maong kalampusan sa operasyon.
Matod pa, ang pagpangawat usa ka seryosong krimen nga adunay hugot nga silot. Gipaningkamotan sa PNP ACG nga ang mga nagbuhat niini madakpan ug maatubang sa hustisya.
Source: PNP-ACG
I via Renante Socia Lada