Usa ka wing van nga puno sa sinakong bugas ang nabangga ug lima ka sakyanan ug usa ka 44-anyos nga tindera og balot kaganihang alas-12:20 sa kadlawon, Miyerkules, Nobiyembre 27, 2024, sa terminal sa Hagnaya Port, Brgy. Hagnaya, lungsod sa San Remigio.
Ang biktima giila sa San Remegio Police Station na mao si Jennie Ariula Mandado, menyo, nagpuyo rapud sa maong lugar.
Naila usab ang suspetsado nga drayber sa wing van na mao si Arsenio Mansueto Lawan, 38-anyos, tags Sitio Combado, Barangay Ticad, Lungsod sa Bantayan, Sugbo.
Nasuta nga napakyas ang preno sa maong trak, hinungdan nga midiretso kini sa terminal ug nagresulta sa grabe nga aksidente. Patay ang tindera og balot human kini naguyod sa trak, diin gikatahong naputol ang wala niyang tiil.
Sa pagkakaron gihimo ang dugang imbestigasyon sa kapulisan kalabot sa maong aksidenti samtang gitanggong ang usab ang suspetsado nga drayber.
I Renante Socia Lada