Kagahapong adlawa Miyerkules, Nobiyembre 27, 2024 ang Cebu City Police Office (CCPO), pinangulohan ni PCOL ANTONIETTO YBAÑEZ CAÑETE, City Director, pinaagi sa City Community Affairs and Development Unit (CCADU) Chief PLTCOL ALBERT REEVES QUILITORIO, nipakita sa ilang tinguha alang sa kaluwasan sa komunidad pinaagi sa usa ka pakigtambayayong uban sa nagkadaiyang mga institusyon pang-edukasyon.
Ang maong kooperasyon gihimo atol sa Memorandum of Agreement (MOA) signing ceremony nga gipahigayon sa Cebu City Police Office, nga natakdo usab sa internship program sa mga eskwelahan.
Niini nga okasyon, nitambong ang mga representante gikan sa mga eskwelahan sama sa Don Sergio Osmeña Sr. Memorial National High School ug Lusaran National High School.
Kini nga panaghiusa nagtinguha sa pagpalig-on sa serbisyong publiko ug sa pagpataas sa kahibalo kabahin sa mga isyu sa seguridad, labi na sa pagbatok sa ilegal nga droga ug mga krimen nga naghulga sa kahilwasan sa publiko.
Pinaagi sa panaghiusa sa mga pwersa sa kapulisan ug mga magtutudlo, ang maong pakigtambayayong nagtinguha sa paghimo ug mas luwas nga komunidad pinaagi sa kolaborasyon ug pagtahud sa usag-usa.
Source: CCPO
I via Renante Socia Lada