Nadakpan sa kapulisan ang usa ka 49-anyos nga lalaki nga wanted tungod sa kasong acts of lasciviousness sa Santa Fe, Cebu niadtong milabay nga adlaw.
Gipahigayon ang operasyon sa Philippine National Police pinaagi sa Santa Fe Municipal Police Station Tracker Team sa Barangay Poblacion. Ang suspetsado, usa ka minyo ug residente sa maong lungsod, nadakpan base sa warrant of arrest.
Ang kaso batok kaniya mao ang paglapas sa Revised Penal Code of the Philippines ug konektado sa Republic Act 7610. Ang korte nagtakda og piyansa nga ₱10,000 matag kaso.
Sumala ni PCOL Abubakar Udang Mangelen Jr., padayon ang ilang paningkamot sa pagdakop sa mga wanted persons aron masiguro nga maatubang nila ang hustisya. Gidayeg usab niya ang mga pulis nga nagpatuman sa operasyon.
Ang maong kalampusan kabahin sa kampanya sa Cebu Police Provincial Office aron mapalig-on ang seguridad sa probinsya ug masiguro nga ang tanang wanted nga persona madakpan.
Source: CPPO
I via Renante Socia Lada