Nag-atubang og kasong kriminal ang usa ka vlogger nga migamit ang alyas “Jaissle” human kini nag-post sa social media og video sa usa ka sumbagay nga nahitabo sulod sa modernong bus, apan iyang gipresentar kini nga usa ka snatching incident.
Ang video nga unang nag-viral niadtong Hulyo 22, 2025, gishare sa usa ka radio station gikan sa original nga post ni Jaissle. Apan sa imbestigasyon sa kapulisan, napamatud-an nga dili kini snatching kundi personal nga away lang nga nahitabo sa Yati, Liloan, Cebu niadtong Mayo 8, 2025.
Tungod niini, ang Regional Anti-Cybercrime Unit 7 (RACU7), ubos sa pagpangulo ni PLT Joshua V. Cruz, Assistant Team Leader sa Cebu PCRT, mipasaka og reklamo batok sa vlogger ngadto sa Office of the City Prosecutor sa Cebu City.
Gikasohan si Jaissle sa paglapas sa Article 154 sa Revised Penal Code (Unlawful Use of Means of Publication and Unlawful Utterances) ug sa Section 6 sa Republic Act 10175 o Cybercrime Prevention Act of 2012. Kung mapamatud-an nga siya sayop, posible siyang masentensyahan og 6 hangtod 12 ka tuig nga pagkabilanggo ug pagbayad og multa.
Matod ni PBGen Redrico A. Maranan, Regional Director sa PRO-7: “Hindi natin palalagpasin ang sinumang gumagamit ng social media upang magpakalat ng maling impormasyon na nagdudulot ng takot at kalituhan sa publiko. Ito ay nagsisilbing babala: may pananagutan ang sinumang lumilikha ng pekeng balita.”
Gihangyo usab niya ang publiko nga mahimong responsable ug dili dayon motoo sa social medial nga post lakip ang pagshare aron mapadayon ang kalinaw ug seguridad sa atong katilingban.
Source: PRO7
I via Renante Socia Lada
#rpndykccebu