Gipakita pag-usab sa Police Regional Office 7 (PRO-7) ang ilang determinasyon sa pagpangdakop sa mga kriminal human masikop ang duha ka most wanted sa probinsya sa duha ka lahi-lahi nga operasyon sa Mandaue City ug Moalboal, Cebu niadtong Agosto 6, 2025.
Sa Barangay Canduman, Mandaue City, nadakpan ang usa ka 25-anyos nga lalaki nga giilang Top 9 sa Provincial Most Wanted. Giatubang niya ang kaso nga Statutory Rape ubos sa Republic Act 11648, base sa warrant of arrest nga gipagawas sa Regional Trial Court, Branch 9, Malaybalay City, Bukidnon niadtong Pebrero 6, 2024. Walay piyansa nga girekomendar sa iyang kaso ug kasamtangang gitanggong siya sa Police Station 6 sa Mandaue City Police Office samtang nagpaabot sa legal nga proseso.
Sa laing operasyon, sa Sitio Mohon, Barangay Balabagon, Moalboal, Cebu, nadakpan usab ang usa ka 30-anyos nga lalaki nga Top 5 sa Provincial Most Wanted tungod sa kasong Homicide ubos sa Article 249 sa Revised Penal Code. Ang warrant of arrest gikan sa Regional Trial Court, Branch 98, Barili, Cebu, ug adunay girekomendar nga piyansa nga ₱200,000. Siya karon gibantayan sa kustodiya sa Moalboal Municipal Police Station.
Gipasidunggan ni PBGEN Redrico A. Maranan, Regional Director sa PRO-7, ang mga operatiba nga milambigit sa operasyon. Matod niya, “Ang ating mga kapulisan ay patuloy na maghahatid ng hustisya saan mang sulok ng rehiyon. Ang pagkakadakip sa mga Most Wanted ay patunay na hindi makakatakas sa kamay ng batas ang mga kriminal. Sa Bagong Pilipinas, ang kapayapaan at hustisya ay hindi lamang pangarap kundi isang pangako.”
Source: PRO7-PIO
I via Renante Socia Lada
#rpndykccebu