Nagpatuman og Red Alert ang Visayas Grid karong Agosto 29, 2026, gikan alas 5:00 sa hapon hangtod alas 7:00 sa gabii, tungod sa kakulang sa suplay sa kuryente kumpara sa panginahanglan.
Adunay Yellow Alert gikan alas 4:00–5:00 sa hapon ug alas 7:00–10:00 sa gabii.
Matod sa NGCP, 2,300 megawatts ang available nga kapasidad samtang 2,355 megawatts ang peak demand. Nagpasabot kini nga mas taas ang panginahanglan kaysa available nga suplay.
Usa sa hinungdan mao ang wala pag-operate sa dagkong coal plants sa Visayas, lakip ang TVI 1, TVI 2, KSPC 1 ug PEDC 3, ug limitado usab ang power import gikan sa Mindanao. Adunay 13 ka power plants nga forced outage ug 15 pa nga nag-operate sa ubos nga kapasidad, nga miresulta sa 1,094.4 MW nga unavailable sa grid.
Ang Red Alert ipagawas kung dili igo ang suplay sa kuryente para sa panginahanglan sa mga konsumante, samtang ang Yellow Alert nagpasabot nga limitado ang reserbang suplay sa grid.
📸 NGCP
I via Renante Socia Lada