Ang National Grid Corporation of the Philippines o NGCP mag Red Alert sa Visayas Grid karong Agosto 14, 2026, gikan alas-5 sa hapon hangtod alas-9 sa gabii. Aduna usab Yellow Alert gikan alas-1 sa hapon hangtod alas-5 sa hapon, ug alas-9 hangtod alas-10 sa gabii.
Sa datos sa NGCP, 2,269 megawatts lang ang available nga kapasidad sa kuryente, apan moabot sa 2,511 megawatts ang peak demand. Nagpasabot kini nga mas dako ang panginahanglan sa kuryente kaysa sa available nga suplay.
Usa sa hinungdan mao ang wala pag-operate sa duha ka dagkong coal plants sa Visayas, ang TVI 1 ug TVI 2. Limitado usab ang kuryente nga ma-import gikan sa Mindanao tungod sa maintenance sa GNPK 2 ug emergency shutdown sa GNPK 1 tungod sa problema sa boiler tube.
Gibutyag usab nga adunay mga planta nga naka-forced outage ug adunay uban nga nag-operate sa ubos nga kapasidad. Sa kinatibuk-an, 829 megawatts nga kapasidad ang dili magamit sa grid.
Sumala sa NGCP, ang Red Alert ipagawas kung dili igo ang suplay sa kuryente aron matubag ang panginahanglan sa mga konsumante ug kinahanglanon sa transmission grid.
Ang Yellow Alert usab ipagawas kung kulang ang reserve o backup nga kapasidad para sa posibleng problema sa grid.
📸 NGCP
I via Renante Socia Lada