Gibalhog karon sa prisuhan ang usa ka Vietnamese National nga kapitan sa international cargo vessel human nanghinol sa usa ka Custom inspector. Didto kini nahitabo sa Cebu International Port, Dakbayan sa Sugbo, sa niaging adlaw, Nobiyembre 13, 2024.
Ang suseptsado nga gidakop sa Cebu City Maritime Police Station nailhan nga si alias “Trong,” 37 anyos, minyo, ship captain sa MV Tay Son 3 nga nidunggo sa Cebu International Port (CIP).
Sa imbestigasyon nasayran nga ang maong langyaw nihinoo ug ni binastos sa 27-anyos nga lady customs inspector sa Bureau of Customs (BoC) Port of Cebu.
Nagpatabang kini sa mga otoridad na maoy hinungdan nga nasikop ang maong kapitan sa barko na mag atubang karon og tukmang kaso. (Renante Socia Lada)