Nagmaduguon ang katapusang adlaw sa buwan human nahitabo ang aksidenti sa kadalan.Didto kini nahitabo sa Barangay Sangat, Lungsod sa San Fernando, Probinsya sa Sugbo.Pasado alas 4:30 sa kagahapon sa hapon, Septembre 30,2022.Ang biktima nga nakasabsan sa kinabuhi mao si Rodelyn Joy Jabonita, Driver sa motor, 25 anyos ang panuigon, dalaga, ug residenti sa Lungsod sa Bayawan, Negros oriental.Naila usab ang naangol nga backrider nga si Charlyn Jabolin, 23 anyos ang pangidaron, dalaga, ug nagpuyo sa Brgy.Casapa,Lungsod sa Jiabong, Samar.Ang suspetsado giila nga si Francisco Panugaling Oca Jr., 41 anyos ang panuigon, ulitawo, Driver sa 14 wheeler, lumad nga taga, Lungsod sa Lapaz, Cagayan de Oro City.Sa gihimo nga imbestigasyon sa San Fernando Police Station nasayran nga ang motorsiklo ug ang 14 wheeler truck nagbiyahi sa susamang direction paingon sa Dakbayan sa Sugbo.Apan sa pag abot na sa maong lugar aksidenting nag dasmag ang duha ka mga sakyanan nga ni resulta sa kamatayon sa driver sa motor ug gika angol sa backride niini.Sa pagkakaron padayon pa nga anaa sa tambalanan ang biktima ug gitanggong pa ang suspetsado nga driver samtang nagpadayon pa ang imbestigaston sa kapulisan.
Photo Credit: San Fernando Police Station
via Renante Lada
