Cebu: Usa ang namatay ug tulo ang naangol sa disgrasya didto sa lungsod sa Santander

0
4

Nikutlo og usa ka kinabuhi ug niangol sa laing tulo ka mga tawo ang nahitabong disgrasya sa kadalanan nga naglambigit sa motorsiklo og 10 wheeler truck.

Ang disgrasya nahitabo kagahapon sa kadlawon, Septembre 3, 2023, didto sa Barangay Talisay, lungsod sa Santander, probinsya sa Sugbo.

Ang nakalas giila sa Santander Police Station nga mao si Rommel Ferolino , residenti sa Barangay Toca, lungsod sa Samboan, Sugbo.

Samtang ang mga nangaangol naila usab nga sila si sakay ni Johnrey Tiin, 25 anyos ang panuigon, residenti sa Barangay Poblacion lungsod sa Samboan, Jeenny Dinglasa, 28 anyos ang pangidaron, taga Barangay Suba lungsod sa Samboan ug Greg Tiin, 22 anyos ang panuigon, taga Barangay Cambigong lungsod sa Samboan, Sugbo.

Sa inbestigasyon sa kapulisan nasayran nga ang mga biktima gikan sa disko nga gusto muadto sa sikbit nga barangay.

Sa kakusog sa ilang dagan wala kabantay sa guba nga 10 wheeler truck nga naka parking daplin sa karsada.

Puros sila nangalagpot sa karsada na maoy hinungdan nga nabugtuan sa kinabuhi si Ferolino.

Gituhuang nakainum ang mga biktima kay aduna kini ilimnon nga gikarga sa gisakyan nga motorsiklo. (Renante Lada)

Leave a Reply