Usa ka 21-anyos nga bag-ong migradwar sa kolihiyo ang nakalas human siya ma-trap ug nalumos sa kusog nga bul-og sa tubig sa Kabang Falls, Brgy. Budlaan, Cebu City niadtong Hulyo 12, 2025.
Gikumpirmar sa Cebu City Special Rescue Team nga wala na’y kinabuhi si Jerson Caballes, taga Brgy. Camputhaw, sa ilang pagluwas sa maong lugar wala nay kinabuhi ang biktima.
Si Caballes bag-ong graduate ug giingong misuroy sa maong dapit uban sa iyang mga higala nga babaye na wala magdahom sa dangatan niini.
Matod ni Brgy. Captain Nerissa Antolihao sa Budlaan, gibadlong pa ang duha pasado alas 5 sa hapon nga dili molahos paingon sa Kan-Irag Falls kay kusog ang ulan ug delikado ang tubig. Bisan pa sa pahimangno, padayon gihapon sila sa ilang lakaw.
Pag-abot sa Kabang Falls, kalit nga nidako ang tubig sa sapa tungod sa uwan. Na-trap sila sa tunga sa bul-og ug dayon nasangit. Swerte nga nakalayat ug nakaluwas ang babaye, apan si Caballes wa nakaluwas tungod kay dili siya kabalo molangoy.
Nagpahimangno karon ang barangay ug mga otoridad sa mga bisita sa Kabang Falls ug ubang hiking spots sa siyudad nga magmatngon ug mosunod sa mga pahinumdom, ilabi na kung adunay dautang panahon aron malikayan ang susamang trahedya.
I via Renante Socia Lada