Dead on the spot ang usa ka trabahanti human gipusil sa wala matino na suspetsado.
Pasado alas 6:00 kagabii, Mayo 18, 2023 nahitabo ang pagpamusil didto sa Sitio Lupa, Barangay Maguikay, Siyudad sa Mandaue.
Ang biktima giila sa Mandaue City Police Office (MCPO), Station 4 nga mao si Ricardo Yara, 27 anyos ang panuigon, trabahanti sa usa ka factory sa feeds, stay-in ug lumad na taga Barangay Balaga, lungsod sa Alegria, probinsya sa Sugbo.
Sa inbestigasyon nasayran nga gipusil patay ang biktima gawas sa iyang gitrabahu-an gamit ang wala matino na kalibre sa armas de fuego.
Ang kapulisan nagpaubos pa sa background check ni Yara kung wala ba mini gikaaway.
Sa pagkakaron padayon pa ang inbestigasyon aron pagtino sa motibo sa maong krimin. (Renante Lada, photo credits to the owner)