Nadakpan sa kapulisan sa Naga City ang usa ka lalaki nga usa sa mga labing gipangita sa kapolisan. Siya ang Top 10 Most Wanted sa Rehiyon, Top 2 Most Wanted sa Probinsiya, ug Top 2 Most Wanted sa Naga City. Nadakpan siya sa Barangay Colon, Naga City, Cebu niadtong nakalabay nga adlaw.
Gidakop siya pinaagi sa warrant of arrest tungod sa mga kasong may kalabotan sa pag-abuso sa menor de edad. Lakip sa iyang giatubang nga kaso ang Statutory Rape, Statutory Sexual Assault, ug Acts of Lasciviousness. Adunay mga kaso nga walay piyansa ug aduna usab mga kasong mahimong piyansahan.
Sumala sa kapolisan, dugay nang nagtago ang suspetsado aron makalikay sa pagdakop. Apan pinaagi sa padayon nga pagpangita ug pagmonitor sa iyang nahimutangan, nasikop siya nga walay nahitabong gubot.
Giingon sa Cebu Police Provincial Office nga magpadayon sila sa pagdakop sa mga wanted person aron mapanalipdan ang komunidad ug mapaatubang sa hustisya ang mga adunay kaso.
I via Renante Socia Lada