Nasikop na sa mga otoridad ang usa sa labing gipangita nga kriminal sa lalawigan sa Cebu atol sa usa ka intelligence-driven operation sa Barangay Tungkop, Minglanilla, sa kagabhion sa Hulyo 18, 2025.
Ang suspetsado nga giilang Top 1 Most Wanted sa municipal level, Top 4 sa provincial level, ug Top 4 sa regional level, gidakop pinaagi sa usa ka hiniusang operasyon nga gipangulohan ni PMAJ Arieza V. Otida ug sa iyang Tracker Team. Giserb ang warrant of arrest nga gi-isyu ni Hon. Dennis Crues Larrobis sa Regional Trial Court, Branch 76 sa Naga City, tungod sa kaso nga rape ilawom sa Article 266-A sa Revised Penal Code, nga giamendar sa R.A. 8353 ug R.A. 11648. Walay piyansa ang girekomendar alang sa maong krimin.
Kini nga kalampusan usa na usab ka dakong garbo sa walay hunong nga kampanya batok kriminalidad sa Cebu Police Provincial Office ubos sa liderato ni PCOL Christopher M. Bermudez.
Dugang pa niya, hugot nga nagbarug ang Cebu PPO sa panan-aw ni PBGEN Redrico A. Maranan, Regional Director sa PRO7, nga magpasiugda og “Makabagong Pulis sa Makabagong Panahon: Respetado ang Mamamayan, Disiplinado ang Kapulisan.”
Ang maong pagdakop usa ka tubag sa mas gipakusgang kampanya batok kriminalidad human sa baruganan ni Governor Pamela S. Baricuatro.
Karon, ang nadakpan nga suspetsado anaa sa kustodiya sa Minglanilla Municipal Police Station samtang naghulat sa presentasyon sa korte.
Padayon ang mensahe sa mga otoridad: walay lugar ang krimen sa lalawigan nga nagpaluyo sa kalinaw, disiplina, ug hustisya.
Source: CPPO
I via Renante Socia Lada
#rpndykccebu
#675hzamband
#tandemexpress