Gipasabot ni Mayor Nestor Archival niadtong Biyernes nga ang pagtukod og Medium-Rise Buildings (MRBs) mao na ang direksyon sa siyudad sa paghatag og luwas ug sustinableng panimalay alang sa mga kabus nga lumulupyo sa siyudad.
Gipadayag kini sa mayor atol sa DWUP People’s Assembly nga gipahigayon sa Ika-upat nga Andana sa Social Hall, diin mitambong ang mga lider ug miyembro sa lain-laing urban poor homeowners’ associations nga accredited sa Division for the Welfare of the Urban Poor (DWUP) ug sa Presidential Commission for the Urban Poor (PCUP).
“This is the future — we will build more MRBs, just like what we have in Barangay Lorega,” segon ni Archival, nga misaysay sa paningkamot sa siyudad sa paghatag og walay gipili ug makiangayon nga mapuy-an para sa tanan.
Mimando usab ni Mayor Archival ngadto sa DWUP nga isumite sa iyang buhatan ang kompletong listahan sa mga opisyales ug miyembro sa matag homeowners’ association sa dili pa moabot ang Agosto 1. Gidani usab niya ang matag grupo nga ipasa ang ilang mga reklamo ug panginahanglanon, sama sa access road, aron masugdan dayon kini og aksyon.
Gipahibalo usab sa mayor nga mag-hire ang syudad og tulo ka geodetic engineers ug duha ka civil engineers sa dili pa matapos ang Agosto, aron tabangan sa pag-survey sa mga relocation ug resettlement sites. Nagpadayon usab ang pagpili sa mga representante sa People’s Organization nga molingkod sa Local Housing Board sa north ug south districts sa dakbayan.
Source: Cebu City PIO
I via Renante Socia Lada
#rpndykccebu
#675hzamband
#tandemexpress