Nasikop sa mga kapulisan ang Top 8 Most Wanted Person sa Central Visayas niadtong Pebrero 21, 2025, sa Barangay Poblacion Occidental, Consolacion, Cebu, sumala sa Police Regional Office 7 (PRO7).
Ang pagdakop gipasiugdahan sa Consolacion Municipal Police Station ug Cebu Police Provincial Office (CPPO) human sa pag-isyu sa mando sa pagsikop pasado alas-2:40 sa hapon. Ang akusado nag atubang og duha ka kaso sa qualified rape ubos sa Criminal Case Numbers DU-63436MU ug DU-63437MV, nga giisyu sa Branch 6 sa Regional Trial Court, 7th Judicial Region sa Mandate City. Wala girekomendaran og piyansa ang nadakpan.
Gipadayag ni PRO7 Regional Director PBGen Redrico Maranan ang iyang pagsaludo sa lig-on nga imbestigasyon ug panaghiusa sa nagkadaiyang law enforcement agencies nga misangpot sa malampusong pagpahigayon sa maong operasyon.
Matod pa, ang maong pagdakop nagpakita sa lig-on nga paningkamot sa pagsumpo sa seryosong mga krimen ug nagpasabot sa dakong papel sa publiko sa pagtinabangay aron masiguro ang kahapsay ug kaluwasan.
Ang PRO7 nag-awhag sa publiko nga magpabiling mabinantayon ug aktibong moapil sa pagpalig-on sa kalinaw ug kasayuran sa rehiyon. (Renante Socia Lada)
(Source: PRO7-PIO)