Gilusad ang usa ka dakong inspeksyon sa 715 ka establisemento sa tibuok siyudad sa Sugbo isip kabahin sa nagkahiusang operasyon nga gitawag nga Oplan-Bulabog.
Ang maong inisyatiba gipangulohan ni Cebu City Police Acting City Director PCOL Enrico E. Figueroa, kauban ang Police Stations 1-11, aron mapalig-on ang pagpatuman sa mga lokal nga ordinansa.
Sa operasyon, 184 ka indibidwal ang nasusi sa mga kapulisan sa CCPO, nga misangpot sa pagluwas sa 29 ka menor de edad nga nasakpan nga nalapas sa curfew ordinance.
Kini nga operasyon nagpunting sa kaluwasan ug kahapsay sa publiko samtang usa usab ka mahinungdanong lakang aron mapugngan ang kriminalidad. Ang pagpakusog sa presensya sa kapulisan sa kadalanan makatabang sa pagpamenos sa mga oportunidad sa krimen.
Dugang pa, ang lig-on nga panag-uban tali sa mga barangay ug sa Cebu City Police Office (CCPO) naghatag og mas epektibong pamaagi sa pagpugong sa kriminalidad, nga nagmugna og mas luwas nga komunidad sa tibuok siyudad. (Renante Socia Lada)
(Source: CCPO)