Nadakpan sa usa ka joint manhunt operation ang usa ka lalaki nga giila nga Top 2 Most Wanted sa lebel probinsyal ug Top 1 Most Wanted sa lebel munisipal niadtong sa miaging adlaw sa Talisay City.
Ang operasyon gipangulohan sa Tracker Team sa City of Talisay Police Station. Ang suspetsado nailhan sa alyas nga “Rulcene,” 33 anyos, ulitawo, walay trabaho, ug residente sa Purok Okra, Barangay Poblacion, Talisay City. Nadakpan siya sa maong barangay.
Base sa report, ang pagdakop gihimo pinaagi sa mga warrant of arrest alang sa tulo ka kaso sa Statutory Rape. Ang mga warrant gi-isyu ni Hon. Romeo Abello Reyes Jr., Presiding Judge sa Family Court, 7th Judicial Region, Branch 7 sa Talisay City. Wala’y gitakdang piyansa alang sa akusado.
Gidayeg ni PCOL Abubakar Udang Mangelen Jr., Provincial Director sa Cebu Police Provincial Office, ang kapulisan sa dali ug malampusong operasyon.
Matod pa niya, magpadayon ang ilang intelligence-driven operations aron madakpan ang mga wanted persons, ilabi na kadtong adunay seryosong kaso, ug madala sila atubangan sa korte aron mahatagan og hustisya ang mga biktima.
Source: CPPO
I via Renante Socia Lada
#rpndykccebu