Gidakop sa Cebu City Police Office ang usa sa Top 10 Most Wanted Persons sa rehiyon tungod sa kasong murder, alas 9:40 sa buntag, Marso 20, 2026 sa Upper Kalunasan, Barangay Kalunasan, Cebu City.
Ang operasyon gipahigayon sa Tracker Team sa Labangon Police Station 10 nga gipangulohan ni PCAPT Joel G. Dela Cerna ubos sa pagdumala ni PMAJ Marvin B. Fegarido. Ang aksyon misangpot sa malampusong pagdakop sa suspek.
Gidakop ang suspek base sa warrant of arrest nga gi-isyu sa Regional Trial Court Branch 10 sa Cebu City, nga walay girekomendar nga piyansa.
Gipahibalo sa kapulisan ang iyang katungod ug karon anaa na siya sa kustodiya sa BJMP-7 Cebu City Jail Male Dormitory samtang nagpaabot sa court proceedings.
Sumala sa kapulisan, ang maong pagdakop kabahin sa ilang padayon nga kampanya batok sa mga wanted persons aron masiguro ang kalinaw ug kahapsay sa komunidad.
Source: CCPO
I via Renante Socia Lada