Nasikop sa mga operatiba sa Intelligence and Detective Management Unit (IDMU) sa Cebu City Police Office ang Top 1 Most Wanted Person sa provincial level niadtong Pebrero 20, 2026, mga alas 8:15 sa buntag. Ang pagdakop nahitabo sa Sitio Brotherhood, Barangay Basak San Nicolas, Dakbayan sa Sugbo.
Ang suspek nga giila sa alyas “March,” 25 anyos, gidakop base sa Warrant of Arrest tungod sa kasong statutory rape. Ang mando giisyu niadtong Pebrero 18, 2026 sa Regional Trial Court Branch 6 Cebu City, ug walay gitugot nga piyansa sumala sa korte.
Sumala sa kapulisan, gipahibalo ang suspek sa iyang mga katungod ubos sa balaod atol sa pagdakop. Bisan og walay body-worn camera ang team, mikagamit sila og alternatibong recording device aron masiguro nga husto ug legal ang pagpatuman sa warrant.
Sa pagkakaron, anaa na sa kustodiya sa CCPO ang nadakpan samtang nagpaabot sa pagbalhin ngadto sa hustong korte. Nagpabilin ang CCPO nga determinado sa pagdakop sa mga wanted person aron mapalig-on ang kalinaw, hustisya, ug kaluwasan sa komunidad.
Source: CCPO
I via Renante Socia Lada