Nadakpan sa mga tracker team sa Cebu City ang giila nga Top 1 Regional-Level Most Wanted Person sa Central Visayas atol sa intelligence-based police operation kagahapong adlawa Setyembre 3, 2026 sa Barangay Mabolo, Cebu City.
Ang operasyon gipangulohan ni PMAJ Thom Ed II L. Taghoy, Station Commander sa Police Station 4 sa Cebu City Police Office (CCPO), uban sa koordinasyon sa Regional Intelligence Division sa Police Regional Office 7 (PRO7).
Ang nadakpan wanted person nag-atubang og kaso nga Attempted Murder. Ang warrant of arrest gipagawas niadtong Pebrero 19, 2024 sa Regional Trial Court Branch 55 sa Himamaylan City, Negros Occidental, ug adunay rekomendasyong piyansa nga ₱120,000.
Gidayeg ni PCOL Ricky C. Sumalde ang tracker teams tungod sa ilang paningkamot ug intelligence-based nga operasyon. Ang nadakpan dad-on sa korte nga mipagawas sa warrant alang sa post-arrest procedures, samtang gisiguro sa CCPO ang hustong proseso ug pagtahod sa katungod sa akusado.
I via Renante Socia Lada