Nadakpan sa kapulisan ang Top 1 Most Wanted Person sa provincial level tungod sa kasong murder sa Cebu City.
Sumala sa Cebu City Police Office (CCPO) nga gipangulohan ni PCOL George V. Ylanan, ang pagdakop gihimo sa mga operatiba sa Criminal Investigation and Detection Management Unit (CIDMU) kagahapon Marso 13, 2026, mga alas 11:55 sa buntag.
Nadakpan ang suspek base sa warrant of arrest alang sa kasong murder nga gi-isyu niadtong Marso 9, 2026 sa Regional Trial Court Branch 19 Cebu City. Sumala sa korte, walay piyansa nga gitakda alang sa maong kaso.
Ang nadakpan nga suspek gilista isip Top 1 Most Wanted Person sa provincial level ubos sa operasyon nga Oplan: Tagapagtanggol ng Bayan.
Human mapahibalo sa rason sa iyang pagdakop ug sa iyang mga katungod, gidala ang akusado sa custodial facility sa CCPO ug karon gitanggong samtang gihulat ang pagturn-over niini sa hustisya.
Source: CCPO
I via Renante Socia Lada