Niulbo ang usa ka tindahan og pabuto didto sa Barangay Canjulao, dakbayan sa Lapu-Lapu kagabii gabii, Disyembre 18, 2024.
Ang aksidenti nahitabo alas 7:33 sa gabii nga nikabat og pipila ka minuto usa na undang nga gikakurat sa mga lumulupyo ug motorista tungod sa sunod-sunod nga pagbuto sa mga firecracker nga naa sa tindahan.
Segon sa kabomberohan nga ang tindahan nga niulbo gipanag-iya ni Edecio Ymbong.
Gibana-bana nga kapin ₱24,000 ang danyos sa maong insidente. Hinoon, wala’y naangol nga mga tawo ug wala usab napagan ang mga kasikbit nga panimalay.
Matud sa pipila ka residente ug motorista nga nangagi sa maong dapit, nakuyawan sila sa sunod-sunod nga pagbuto ug pagkahayag sa kalayo nga gikan sa tindahan.
Ang mga awtoridad padayon nga nag-imbestigar aron masuta ang hinungdan sa sunog ug aron masiguro nga walay laing hulga sa seguridad sa maong lugar.
📸 CTTO
I via Renante Socia Lada