Cebu: Temporary shelter sa dakbayan sa Mandaue, gipuy-an na

0
14

Human sa pipila ka buwan nga pagpaabot sa temporary shelter o “Pasilong para sa Paradise” nakapuyo na gyud ang unang batch sa mga na biktima sa sunog sa Sitio Paradise, Barangay Looc, Dakbayan sa Mandaue.

Adunay 47 ka mga pamilya ang naka puyo na sugod niadtong adlaw na Miyerkulis, Mayo 17, 2023, sila maoy unang batch nga nakapahimulos sa libre nga temporary shelter.

Gumikan kini sa paningkamot ni Mandaue City Mayor Jonas Cortes nga makapangayo og tabang sa Mandaue Chamber of Commerce and Industry (MCCI).

Mahinumduman nga niadtong Nobembre 22, 2022, naigo sa dakong sunog ang Sitio Paradise, Barangay Looc, Siyudad sa Mandaue diin dul-an sa 700 ka mga pamilya ug dul-an usab sa 3,000 ka mga individual ang nawad-an sa ilang pinuy-anan.

Dako usab ug na tampo ang Housing and Urban Development Office (HUDO) para matuman ang maong proyekto pinanguluhan ni Atty. Johnbee Biton ug mga aktibong mga kaubanan.

Nangunay usab sa paglihok sa mga nag unang problema ang Presidenti sa (PUPHOAI) Urban Poor Association nga mao si Reyman Galve, diin mao kini nilihok sa pagkalaw ngadto sa mga nagkadaiyang buhatan sa goberno aron mapaabot ang mga problema sa iyang mga miyembro.

Gilauman nga ang laing pagbunot sa mga beneficiaries sa Pasilong para sa Paradise ipahigayon sunod semana.

Ang maong proyekto sa Siyudad sa Mandaue mukabat sa 1,200 ka mga units ang papuy-an sa mga na biktima sa sunog sa Dakbayan.

Dako og pasalamat ang tanang mga beneficiaries sa mga nitabang kanila ug nanghinaot usab sila na ma paspasan ang pagtrabaho niini kay ubay-ubay pa ang atua sa evacuation center nanimuyo ning mga panahuna. (Renante Lada, photo courtesy by Reyman Galve)

Leave a Reply