Cebu: Taxi driver gitulis, gi-abis ang dila; anak nanawagan ug hustisya sa gidangatan sa iyang amahan

0
434

Cebu City – Semana Santa, nanawagan ug hustisya ang babayeng anak sa 50-anyos nga taxi driver kinsa gitulis ug gi abis ang dila sa pabilin nga wala pa mailhing mga responsabli.

Visit RPN DYKC Cebu

Gikonpirmar ni sa kapulisan sa lungsod sa San Fernando nga ang mga tulisan mi biktima sa taxi driver nga giilang si Andres Alfanta, niadtong Martes sa kadlawon, Abril 12.

Gibira sa mga suspek ang kita ni Alfanta nga ₱ 1,000 dihang padung na silang mokanaug sa hilit nga lugar sa San Fernando.

Basi sa police report, duha ka lalakeng pasahero ang misakay sa taxi sa biktima sa Barangay Banawa, Syudad sa Sugbo, gibana banang 40 ka kilometros ang gilay-on sa San Fernando, niadtong Martes sa tungang gabii.

Unang nangutana ang mga pasahero (tulisan) ngadto kang Alfanta kung mosugot ba kini ug “fix price” ang ilang plete pero ang driver mibalibad kini ug gipili nga mas maayo kon mag metro lang.

Miabot  ang driver ug ang mga suspek sa mingaw nga lugar sa San Fernando pasado ala 1 sa kadlawon,  diha mi derklarar ug “hold-up” ang nauwahi.

Gihatag ni Alfanta ang iyang kita ug ang iyang personal nga kwarta ngadto sa mga suspek kinsa mition kaniya ug pusil ug kutsilyo; pero, sa wala pa mobiya ang mga tukisan, gi attempt ug tuok ang biktima ug gi abis ang dila niini.

Bisan kon nag-antus na si Alfanta sa iyang samad, apan mi drive kini sa taxi padung sa Naga City Hospital, ug gi refer ra sab kini sa Taisay City District Hospital, diin padayon kini nga gitambalan.

Ang iyang anak nga si Cristelle Alfanta, midangop sa social media aron magpakitabang alang sa recovery sa iyang amahan, ug sa possibling makahatag ug kasayuran nga maka tabang sa pagka sikop sa mga responsabli sa krimen.

Sa iyang post, matod ni Cristelle nga ang kwarta nga gikuha sa mga tukisan alang unta kadto sa abang ug pang gasoline sa gimanehong taxi sa iyang amahan.

“Unta og kinsa man mong mga mananapa mo madakpan namo oyyyy!! Mga wamoy kalouy naningkamot tawn ni akong papa kay naa ni syay tulo ka anak gagmay patawn  na akong mga manghud… Ka luy-an tawn sa Ginoo ge luwas pa ang among papa,” pahungaw ni Cristelle.

Ang San Fernando usa ka second-class municipality nga nahimutang 40 ka kilometros south sa syudad sa Sugbo. (Jhon Tadlip)

(News & photo courtesy of San Fernando Police Station | Cristelle Alfanta Facebook account)

Leave a Reply