Lain na usab nga lungsod sa probinsya sa Sugbo ang nagsugod na sa pagpamaligya ig tag P20 ang kilo sa bugas humay na gikan sa lokal nga mag-uuma.
Mahinumduman nga gipahibalo ni Presidente Ferdinand R. Marcos Jr. niadtong Miyerkules nga nagsugod na ang katumanan sa saad sa gobyerno nga ipaubos ang presyo sa bugas ngadto sa P20 kada kilo.
Gikompirmar usab ni Department of Agriculture Secretary Francisco “Kiko” Tiu Laurel Jr. nga available na ang P20 kada kilo nga bugas dinhi sa Visayas, lakip na sa lungsod sa Malabuyoc.
Aron masiguro nga maayo gihapon ang kalidad sa bugas bisan barato na kini, nagpatawag si Governor Gwendolyn Garcia og emergency meeting niadtong miaging Biyernes. Gitapok niya ang mga Municipal Mayor ug mga representante sa Agriculture Office aron ipasabot nga ang bugas nga ipang-apod-apod usa ka Good Quality gyud.
Ubos sa maong programa, ang mga indigent o kabus nga pamilya mahimong makapalit og hangtod 10 kilos nga bugas matag semana — o total nga 40 kilos matag bulan — sa presyo nga PHP 20 kada kilo.
📸 LGU Malabuyoc
I via Renante Socia Lada
#rpndykccebu
#675hzamband
