Nakuhan og video sa usa ka netizen ang pag rescue sa usa ka lalaki nga buot magkutlo sa iyang kinabuhi didto sa First Mandaue-Mactan Bridge, pasado alas 8:52 kagabii, Abril 4, 2024.
Ang mga sakop sa Mandaue CDRRMO, Lapu-Lapu City CDRRMO uban sa ERUF, PNP, BFP ug Barangay Casuntingan, siyudad sa Mandaue maoy ni responde sa maong panghitabo.
Nasayran nga usa ka 19 anyos nga lalaki ang buot magkutlo sa iyang kinabuhi sa wala matino nga hinungdan hinuon naluwas kini ug nadala sa tambalanan.
Ang Tawag Paglaum Centro Bisaya (Cebu) sa panaghiusa sa DOH 7 ug Vicente Sotto Memorial Medical Center (VSMMC), naghatag og 24/7 toll-free hotline alang sa mga indibidwal nga nag-atubang og emosyonal nga krisis ug naghunahuna sa paghikog, mamahimong mokontak sa (0939) 937-5433 ug (0927) 654-1629. (Renante Socia Lada)