Pormal nang gisugdan ang inisyatiba ni Cebu City Mayor Nestor Archival nga magtanum og 256,000 ka kahoy atol sa iyang termino isip kabahin sa kampanya alang sa kalikupan ug kausaban sa panahon.
Gipahigayon ang unang aktibidad sa Red Cliff Viewing Park sa Barangay Cantipla, diin mitambong ang mga miyembro sa Rotary Club International ug sa Cebu Original MT Manungal Eagles Club isip suporta sa maong proyekto.
Kini nga kalihokan mao ang opisyal nga pagsugod sa dakong reforestation program sa siyudad, nga nagtumong sa pagtukod og mas kusgan nga proteksyon batok sa epekto sa climate change ug sa pagpalungtad sa kinaiyahan sa umaabot nga henerasyon.
Gilauman nga pinaagi sa pagpananum, mapalig-on pa ang kahimsog sa watershed areas sa siyudad, samtang gipasabot usab nga kini usa ka dakong lakang padulong sa climate resilience ug environmental sustainability sa Cebu.
I via Renante Socia Lada
#rpndykccebu