Bisan sa kainit sa panahon kagahapong adlawa Abril 21, 2024 nagmalampuson gihapon ang Ironman 70.3 sa dakbayan sa Lapu-Lapu.
Si Henri Schoeman usa ka International triathlete nga taga South Africa maoy nidaog sa men’s division. Iyang gihuman ang maong lumba sulod sa takna nga 4:02:31.
Samtang si Dutch Els Visser mao usab ang overall champion sa female category. Diin nahuman usab niya ang lumba sa takna nga 4:21:29.
Ilang gilangkat ang kadaugan bisan paman sa kahimtang sa panahon.
Ang Ironman 7O.3 tipik sa Kasaulugan sa 503rd Kadaugan sa Mactan 2024 karong semanahuna.
Aduna kini lumba sa langoy (1.9 km), besiklita (90- km) ug dagan (21-km).
Niabot usab sa 1,400 ka mga atleta ang nisalmot sa maong lumba, lakip ang 24 ka mga professional athletes nga naga gikan sa 55 ka mga nasud.
Gidayeg ug gipasalamatan usab ni Lapu-Lapu City Mayor Junard Chan ang mga nisalmot ug sa tanang nitampo aron mamahimo kining magmalampuson. (Renante Lada)
