Cebu City- Agig tubag sa dugay nang problema sa baha sa syudad, hatagan ug priority sa kagamhanan sa Syudad sa Sugbo ang mga proyekto sa barangay nga motubag sa maong suliran.
Gibutyag ni Konsehal Jerry Guardo,ang chairman sa Comimittee on planning and infrastructure nga mo himo sila ug guidelines nga ma check sa mga barangay sa dili pa sla maka submit sa ilang project proposals sa City Council.
“We are gonna come up with guidelines in the submission of projects in the barangays; We will have certain criteria… we will only allow nga masud sa immediate nga mga projects that will help solve flooding,” mensahi ni Guardo.
Hatagan ug prayoridad ang mga proyekto sama sa drainage, slope protection ug river improvements.
“Before, walay klaro nga order of prioritization… so bisan lowland, mu-order ka’g evacuation center pero dili gyud necessary, dili maka-help sa problem sa lowland barangays, which is kasagaran flooding,” pasabot ni Guardo.
Matod ni Guardo nga ang mo verify ang konseho kung ang gi propose nga project tinooray ba nga gikinahanglan sa mga barangay.
Hinoon, sigon pa ni Guardo nga dunay exceptions, kung ang proyekto nga gi propose mo address sa dinalian nga concerns sa barangay-sama na lang pananglitan sa road concreting projects o ‘farm-to-market’ roads.
“Sa bukid, kung wala silay concern sa baha didto, ang among i-prioritize would be the farm to market road… ing-ana… and slope protection sa mga landslide,” dugang pasabot sa opisyal.
Nagkanayon si Guardo nga ang syudad dunay 20 percent development fund matag tuig alang sa mga barangay nga mobalor ug P400 million ngadto sa P500 million.
“Karon, kami na gyuy mu-control…without proper prioritization, it will just fall into waste bitaw…dili sad kaayo ma-appreciate sa mga tawo,” pahibaw ni Guardo.
Ang problema sa baha sa Syudad sa Sugbo dugay na, labi kung mo kusug ang uwan nga mo resulta sa pagka balda sa dagan sa traffic, maka tanggong sa mga pasahero ug maka guba sa mga property.
Gipadayag ni Mayor Michael Rama nga ang pagtinguna nga mahisama sa Singapore ang syudad, nagkinahanglan nga sulbaron ang maong problema.
Dunay plano ang syudad lakip na sa pagbutang ug water impounding lagoons, apan sigon pa ni Guardo nga gikinahanglan i align sa barangay ang maong mga lakang.
Sa pikas bahin, mohangop si Guardo sa iyang kaubang konsehal nga si Konsehal Nestor Archival, kinsa usa ka engineer ug environmentalist, ug ubang mga experto sa Project Reduce Danger Zones (ReDZ) nga mi rekomenda kaniyanga maoy mangulo.
l via Jhon Tadlip
Source: Committee on Planning and Infrastructure- Cebu City Council
Photo: Barangay Councilor Jun Tumulak
