Nagpasidaan ang Police Regional Office 7 (PRO7) sa tanan nga magbantay batok sa mga ilad nga kalihukan, labi na sa mga nagbaligya og yuta o balay online. Kini human sa pagkadakop sa grupo nga dugay na nga nangilad ug nakakuha na og milyon-milyon gikan sa mga biktima sukad pa 2014.
Usa ka negosyante sa Caloocan City ang nabiktima human siya nag-post sa iyang property sa Facebook. Ang mga suspek nagpakaaron-ingnon nga interesado mopalit, apan pagkakuyog nila, giliko ang istorya ngadto sa peke nga negosyo. Gipatoo nila ang negosyante nga paliton ang produkto nga kuno mahalin og dako sa usa ka “buyer.” Tungod niini, nakabayad ang biktima og ₱3.9 milyon, apan pagkahuman, ang mga suspek nawala ug wala na magpakita.
Sumala sa kapulisan, mao kini ang estilo sa grupo: magpakaaron-ingnon nga tinuod nga buyer, unya ilisan ang istorya ngadto sa usa ka peke nga investment. Ang uban nilang kauban magpakaaron-ingnon nga supplier aron ingnon nga tinuod ang transaksyon. Sa dihang makadawat na sila og bayad, dali ra silang mangawala ug biyaan ang biktima.
Gi-awhag ni PRO7 Director PBGen Redrico A. Maranan ang tanan nga magmatngon sa online nga transaksyon.
“We urge the public to exercise extreme caution in online transactions and property sales. Criminals today use sophisticated methods and multiple aliases to deceive unsuspecting victims. Always verify the background of potential buyers and never be swayed by offers promising quick profits. Vigilance is our strongest defense against swindlers.
Gidugang pa nga ang labing maayo nga depensa batok sa mga manlupig mao ang pagbantay ug dayon nga moreport sa kapulisan kung adunay kadydahang kalihukan.
Source: PRO7- PIO
I via Renante Socia Lada