Nagpadayon gihapon ang rescue efforts sa mga responders ug augment personnel sa Bogo City aron matabangan ang mga naapektuhan sa linog.
Uban sa lokal nga personnel, miabag usab ang mga grupo gikan sa DRRMO ug BFP sa lain-laing lungsod, ug ang Provincial Risk Reduction and Management Office uban ang Provincial Government pinaagi ni Provincial Administrator ug Dr. Nikki Catalan.
Dako ang kadaut nga nahimo sa linog ug bisan pa sa paningkamot sa tanan, aduna nay natala nga casualties. Gi-awhag ang tanan nga mag-amping kay padayon gihapon ang aftershocks nga hinay ngadto sa kusog nga pag-uyog sa yuta.
Gihangyo ang publiko nga magpabilin nga alerto ug magpaabot sa posibleng pag-isyu sa State of Calamity. Ang emergency hotline padayon nga modawat og tawag alang sa tabang: 09456852435.
Amping ug padayon sa pag-ampo. Siguraduhon ang kaluwasan samtang padayon ang LGU sa pag-monitor ug pagresponde sa sitwasyon.
Source: Source: City Government of Bogo
I via Renante Socia Lada