Nahulog na sa kamot sa mga otoridad ang suspetsado sa pagpangdunggab patay sa usa ka Magtutudlo sa pangpubliko nga tunghaan didto sa Dakbayan sa Naga.
Pasado 8:20 kagabii, Oktobre 16,2022, didto sa San Carlos City, Negros Occidental.
Ang suspetsado giila sa kapulisan nga si Elmar Alvarez Gemida, 24 anyos ang pangidaron, residenti sa Barangay Ilaya, Lungsod sa Calatrava, Negros Occidental.
Si Gemida gi konsiderar nga suspek sa pagpatay ni Jhun Leo Pañares,33 anyos ang pangidaron, Magtutudlo sa Inuboran Elementary School.
Kini basi sa CCTV footage nga nakuha sa maong tunghaan diin didto gipatay si Pañares nga adunay daghang samad dinunggaban sa nagkadaiyang parti sa lawas nga giputos sa usa ka panapton ug gituok ang liog gamit ang wire.
Nakuha sa position ni Gemida ang Cellphon, pitaka,motorsiklo ug kwarta nga gipanag iya sa biktima.
Ang pagkasikop sa suspetsado gumikan sa way hunong nga hot pursuit operation sa kapulisan sa Naga City Police Station ug sa San Carlos City Police Station.
Mahinumduman nga ang biktima usa ka buotan nga magtutudlo isip Science Teacher nga gikatakda na untang mularga paingon sa Germany karong sunod buwan para sa usa ka World Robotics Olympiad.
Gikatakda na karon nga ipasaka ang tukmang kaso batok sa way puangod nga suspetsado kinsa nihunos sa inocenti nga magtutudlo. (Renante Lada, photo courtesy of Naga City Police Station | San Carlos Police Station)