Cebu City – Giawhag sa pangu sa Department of Education sa Central Visayas (DepEd 7) ang mga school heads pag increase sa ilang security measures ug pag advise sa ilang mga teachers nga mosayo ug pauli human sa ilang trabaho.
Kini human ang usa ka lalake nga magtutudlo nga si June Leo Panares, napalgang patay nga dunay mga samad dinunggaban sud sa storage room sa tunghaan sa Syudad sa Naga, niadtong Domingo, Oktubre 16, 2022.
Matod ni DepEd 7 Director Salustiano Jimenez nga dali niyang gimanduan ang na assign nga superintendent sa area pagsuta sa posibling motibo ug pag abag sa kapolisan labot sa hitabo sa dihang gipahibaw kini sa pagka diskubre sa lawas sa magtutudlo niadtong adlawng Domingo.
Nagkanayon si Jimenez nga ilang kining gi kondina, nasubo sila sa nahitabo, ug gihulagway kini nga disturbing.
Panghinaut sa DepEd nga wala nay samang insidente sama niini nga mahitabo.
Si Panares nahimong magtutudlo sa Inoburan High School sa Barangay Inoburan, Dakbayan sa Naga.
Tulis
Ang biktima, kinsa residente sa Barangay Tinaan sa nahisgutang syudad, gituuhang gitulis sa wala pa kini patya.
Sigon pa ni Lt. Col. Junnel Caadlawon, hepe sa Naga City Police Station, nga sila si Simon Veto, usa ka magtutudlo ug Apple Tellaper maoy naka kita sa lawas ni Panares diha sa sawog nga gitabunan sa nagkadugo nga panapton.
“Pirmi naman daw ni siya magabhian. Dunay mga batan-on lalaki ang iyang ikuyog, pahibaw ni Caadlawon.
Advise ngadto sa mga teachers
Nagkanayon si Jimenez nga daghang mga teachers, partikular na kadtong na assign sa mga tunghaan sa kabukiran ug sa kabarangayan, sagad nga mo trabaho overnight, labi na ug mag andam sila alang sa activity sa sunod adlaw.
Apan, advise niini ngadto sa mga teachers nga dili kini buhaton.
“Generally, we do not require them (teachers) to be in school beyond 5 p.m. if they don’t have classes, especially during the weekends, unless they are tasked to do something,” nagkanayon si Jimenez.
“Our Vice President and Secretary Sara Duterte said that if possible, teachers should go home early and spend time with their families. Maybe he went there (school) to get something, but we cannot say for sure what he was doing there,” dugang sa opisyal.
Human sa insidente, instruction ni Jimenez ngadto sa mga school heads pag coordinate ngadto sa mga loca government units ug mga barangay aron maka hatag kini ug dugang security, partikular na sa kagabhion ug weekends nga sirado ang mga tunghaan. (Jhon Tadlip)
(Source: DepEd 7)
