Nadakpan sa mga pulis ang usa ka lalaki atol sa operasyon sa Police Station 6 sa Barangay Sawang Calero, Cebu City, sayong buntag sa Hulyo 18, 2026.
Nakuha gikan sa suspetsado ang usa ka pakete sa gituohang shabu. Narekober usab sa kapulisan ang usa ka .45 kalibre nga pistola, usa ka magasin, ug tulo ka buhing bala.
Sumala sa kapulisan, ang gituohang shabu adunay gibana-banang kantidad nga ₱34,000.
Ang suspetsado anaa karon sa kustodiya sa Police Station 6. Atubangon niya ang kaso tungod sa ilegal nga drogas ug pagpanag-iya og armas nga walay lisensya.
Padayon ang kampanya sa Cebu City Police Office batok sa ilegal nga drogas ug mga armas aron mapadayon ang kalinaw ug kaluwasan sa siyudad.
📸 CCPO
I via Renante Socia Lada