Nadakpan sa mga pulis sa Waterfront Police Station 3 ang usa ka drug suspek sa buy-bust operation sa Barangay Tejero, Cebu City, sa gabii sa Hulyo 17, 2026.
Sa operasyon, nakuha gikan sa suspek ang gituohang shabu nga adunay gibana-banang gibug-aton nga 10.10 gramos ug kantidad nga ₱68,680.
Gidala dayon ang suspek sa Police Station 3 diin siya karon gitanggong samtang gipadayon ang kaso batok kaniya tungod sa paglapas sa Comprehensive Dangerous Drugs Act of 2002.
Matud pa sa Cebu City Police Office, magpadayon ang ilang kampanya batok sa ilegal nga drogas aron mapadayon ang kalinaw ug kaluwasan sa siyudad.
📸 CCPO
I via Renante Socia Lada