Nidanyos og P1,280,000. ang nahitabong sunog sa usa ka dakong mall sa dakbayan sa Sugbo nga nahimutang sa Barangay Mabolo, dakbayan sa Sugbo.
Ang alarma sa Sunog nadawat sa Cebu City Fire Station pasado alas 10:20 sa gabii, Oktobre 30, 2024.
Na kontrolar kini pagka alas 10:50 sa gabii ug napalung pagka alas 11:1O nga ni igo sa usa ka senihan.
Sa nasayran nga ang Cinema 8 maoy gilamoy sa kalayo nga adunay 30 ka mga tawo atong higayuna, hinuon walay natalang naangol sa maong sunog.
Ang tagdumala sa SM City Cebu wala pa nagpagawas og pamahayag sa maong aksidenti hinuon nakig alayon sila sa kabomberohan.
Sa pagkakaron ang BFP sa siyudad sa Sugbo padayon nga nisuta kung unsay hinungdan sa maong sunog. (Renante Socia Lada)