Nidanyos og P2.5 milyon ang nahitabong sunog didto sa Sitio Bagumbayan 1, Barangay Maribago, siyudad Lapu-Lapu.
Ang alarma sa sunog nadawat sa kabomberohan sa dakbayan sa Lapu-Lapu, pasado alas 12:55 sa tungang gabii, Hulyo 2, 2024, nasaka kini sa unang alarma pagka 1:10 sa kadlawon ug na fire out pagka alas 2:30 sa kadlawon.
Sa taho sa kabomberohan niabot ngadto sa 6 ka mga balay ang naugdaw ug 2 ang partsiyali nga nadaot.
Sa kinatibuk-an 7 ka pamilya ug 40 ka mga individuals ang apiktado sa naasoy na sunog.
Ang kabomberohan padayon pa sa ilang imbestigasyon aron pagsuta kung unsay hinungdan sa maong sunog, samtang ang mga biktima giatiman na usab sa kagamhanan sa siyudad sa Lapu-Lapu. (Renante Lada | Ting Joe Pepito)