Zamboanga: Mujer arestao, mas de P1-millon shabu ya confisca

0
4
(Photo courtesy of PRO-9)

Un persona el ya aresta y ya confisca mas un P1 million valor de droga ilegal na un campaña contra droga aqui na ciudad de Zamboanga, asegun con el policia del Martes.

El policia ya habla con el suspechao ya aresta na un operacion de compra busto mga alas 10:18 del Domingo denoche, na Barangay Santa Catalina, ciudad de Zamboanga.

El policia nohay nombra con el arestao suspechao, quien un mujer que tiene el edad de 25 años.

Asegun con el policia, ya confisca na posesion del arestao suspechao 150 gramos de shabu enpaquetao na tres transparente sobrecitos plastico que tiene el valor de P1,020,000, un real P1,000 como un markao dinero, y 194 pedaso de paltic P1,000 que ya usa como “boodle money”.

Con el mga confiscao evidencia ya lleva na Regional Forensic Unit-9 para examinacion mientras con el suspechao ya detene na facilidad de detencion del Zamboanga City Police Office para el propio disposicion. (B. Garcia)

Leave a Reply