Cebu City – Gitugtan nang makasud sa Sugbo ang mga travelers gikan sa gawas sa Pilipinas nga fully vaccinated batok sa COVID-19 ug naka dawat na ug booster shot, bisan kon walay negative RT-PCR o antigen test result.
Bag-o lang mi issue si Governor Gwendolyn Garcia ug executive order nga nag adopt sa Inter-Agency Task Force (IATF) resolution number 168, nga nagtangtang sa requirements sa mga langyaw nga travelers ug mga Filipinos nga mosud sa nasud.
Gihangop ni Garcia ang desisyon sa IATF tungod kay maka tabang kini pag boost sa tourism sa Sugbo sa pagsud sa mga langyaw.
Ubay ubay ka mga lugar sa Sugbo ug Rehiyon 7 ang nagsalig sa tourism sa ilang income, labi na ang foreign market.
“That further eases up the restrictions and I am very positive and optimistic that our international arrivals will soon be rapidly increasing” mensahi ni Garcia.
Requirements
Ubos sa EO No. 15, kadtong foreign nationals kinsa fully vaccinated ug dunay booster dose, dili na kinahanglan mopakita ug negative RT-PCR o antigen test pag comply sa visa ug immigration requirements.
Ila lang ipakita ang proof of vaccination sama sa World Health Organization International Certificate of Vaccination ug Prophylaxis; VaxCertPH; national or state digital certificate o vaccination card sa country of origin o ubang proof sa vaccination nga gitugot sa IATF.
Gawas sa vaccination certification, gikinahanglan sab ang valid return ticket o ticket sa ilang next nga port of destination, ug passport nga valid sud sa unom ka buwan gikan sa pag-abot sa Pilipinas.
Gi encourage sab ang mga travelers pagkuha ug insurance sa COVID-19 treatment.
Wala na sab kinahanglana ang pagpa ubos sa quarantine pag-abot;gikinahanglan lang ang pag self-monitor.
Apan kadtong mga travelers nga vaccinated pero wala maka booster shot, gikinahanglan silang maka presenta ug negative RT-PCR o antiger test result nga gikuna 48 oras ug 24 oras before sa byahe.
Wala mabakunahi
Alang sa mga travelers nga wala mabakunahi batok sa COVID-19, gikinahanglan nga maka pakita sila ug negative RT-PCR test result o antigen test result.
Sa ilang pag-abot sa Sugbo, i swab kini sa airport ug gikinahanglan nga mo puyo sa facility hangtud nga ang resulta sa ilang second RT-PCR rest ma release sa ika lima nga adlaw. (Jhon Tadlip)
(Source: Cebu Provincial Government photo courtesy of Mactan Cebu International Airport)
