Nunot ning Semana Santa nga gidagsa sa daghang mga pasahero nga muoli sa ilang tagsa-tagsa ka mga probinsya ang Land Transportation Office (LTO-7) nipahigayon sa pagsusi sa mga Public Utility Vehicle ubos sa programang Oplan Biyaheng Ayos 2023.
Diin nikabat sa 24 ka mga PUV ang wala kapasar sa roadworthiness nga gisugdan niadto pang Marso 31,2023.
Magpadayon kini hangtod karong Abril 10,2023 sa mga nagkadaiyang mga terminal sa Sugbo.
Gitataw ni Victor Emmanuel Caindec ,Regional Director sa LTO-7, nga ibalik sa tagsa-tagsa ka mga grahi-an ang wala nipasar sa inspector aron ayuhon ang mga depekto niini.
Kasagaran sa nakita nga depekto mao ang mga dauton nga ligid, signal lights,wiper,washer,windshield ug seatbelt.
Kining tanan gihimo aron masiguro nga luwas ang mga pasahero nga mubiya sa ilang tagsa-tagsa ka mga lugar.
Samtang sa laing bahin hugot usab ang gihimo nga seguridad sa kapulisan sa Police Regional Office (PRO-7) sa mga terminal nga adunay mga sakop sa kapulisan nga gipang destino.
Photo credit: LTO-7
via Renante Lada