Ang Cebu Police Provincial Office (CPPO), pinangulohan ni PCOL Abubakar Udang Mangelen Jr., nagpadayon sa ilang commitment sa serbisyo publiko samtang ang mga personnel sa Reactionary Standby Support Force (RSSF) nitabang sa pag-pack ug pag-load sa relief goods sa Department of Agriculture Regional Office (DA RO) 7) niadtong Nobyembre 9, 2025.
Gikan sa pag-alsa sa mga supplies hangtod sa pag-andam sa ayuda para sa mga apektadong komunidad, ang mga pulis nagtrabaho uban ang kaisog ug dedikasyon, nagpamatuod nga ang serbisyo dili lang kutob sa adlaw-adlaw nga obligasyon. Ang matag bundle nga gipack nagrepresentar dili lang og tabang, kundili usab og paglaum alang sa mga pamilya nga nanginahanglan.
Ang CPPO nagpakita og pagkahiusa sa uban pang ahensya aron masiguro nga ang relief operations mahatag sa tukmang oras ug makaabot sa mga komunidad nga nanginahanglan sa labing dali nga panahon.
Pinaagi sa malampusong koordinasyon ug tinuoray nga serbisyo, nagpamatuod ang CPPO nga ang mga modernong pulis sa Sugbo andam moalagad sa katawhan, serbisyo nga paspas, matinud-anon, ug mabati sa katawhan.
Source: CPPO
I via Renante Socia Lada