Trahedya ang nahitabo sa lungsod sa Argao, habagatang bahin sa Sugbo, human makapusil-patay ang Sangguniang Kabataan (SK) Federation President sa lungsod sa sulod sa usa ka imnanan niadtong kagabhion sa Hulyo 11, 2025.
Ang biktima naila nga si Elmer ug ang suspetsado naila usab nga si Alfie, pulos sila taga Argao, Cebu.
Matod sa imbestigasyon sa Argao Police Station, daan nang nagkabangi ang biktima ug ang suspetsado nga pareho usab nga SK official. Ang ilang panagbangi gikonektar sa isyu sa personal nga relasyon nga nalambigit sa selos ug love triangle, nga gisugdan pa sa miaging tuig. Aduna na isab daw mga pagbahad sa kinabuhi sa biktima, nga wala lang kini tagda kaniadto.
Sa nahitabong insidente, nag-abot ang duha sulod sa usa ka restobar sa Don Gil, Barangay Poblacion, diin kalit lang nga gipusil sa makadaghang higayon sa suspek ang biktima gamit ang iyang caliber 9mm pistol. Naigo ang biktima sa vital nga parte sa lawas ug gideklarang dead on arrival pag-abot sa tambalanan.
Dali ra usab nga nadakpan ang suspetsado tungod sa paspas nga pagresponde sa kapulisan nga miadto sa crime scene. Giila ang suspek nga usa ka gun enthusiast, ug suheto na kini sa paggamit og armas hinungdan nga dali niya kining nagamit sa krimen.
Padayon karong gibuhat ang imbestigasyon sa kapulisan aron masuta ang tibuok detalye sa panghitabo, samtang gisaad usab sa Argao PNP nga ilang ihatod ang hustisya alang sa namatay nga opisyal sa SK.
I via Renante Socia Lada