Nakalas ang usa ka senior citizen nga lalaki human kini matumba pagkabangga sa motorsiklo nga iyang gimaneho ngadto sa usa ka kotse samtang nagbiyahe sa Katipunan Street, Barangay Labangon, niadtong nakalabay nga gabii.
Ang biktima, nga nailhan sa alyas Albert, 79-anyos ang panuigon, taga Rizal Street, Mandaue City, may kauban nga 14-anyos nga lalaki nga si Jayson, nga taga Centro, Mandaue. Si Jayson nakaluwas apan adunay mga samad sa lawas.
Base sa report sa Traffic Enforcement Unit sa Cebu City Police Office, samtang nakapundo ang mga sakyanan tungod sa red light, kalit nga mibangga ang motorsiklo ni Albert sa likod sa usa ka Kia Picanto nga gimaneho ni alyas Ricky, 48-anyos, taga Lapu-Lapu City.
Tungod sa bangga, natumba ang motorsiklo ug nalabay ang biktima ug ang angkas. Gidala dayon sila sa tambalanan, apan si Albert gideklarar nga dead on arrival sa Cebu City Medical Center.
Nagpadayon ang imbestigasyon sa insidente aron masuta kung adunay sayop sa pagmaneho o problema sa motor nga posible nakatampo sa trahedya.
📸 CTTO
I via Renante Socia Lada