Puno sa pagmahay ang usa ka security guard human nasikop sa kapulisan sa iyang gihimo nga pagpanulis.
Pasado alas 2 kagahapon sa hapon, Septembre 26,2022, didto sa Pinamungajan District Hospital.
Ang suspetsado giila sa Aloguinsan Police Station nga si Renante Joverin Sarquilla, 46 anyos ang panuigon, taga Purok 3,Barangay Bonbon, Lungsod sa Aloguinsan, Probinsya sa Sugbo.
Segon sa Kapulisan sa Lungsod sa Aloguinsan nga anang alas 12 sa ka udtuhon nanulis si Sarquilla sa usa ka gasoline station sa maong Lungsod.
Matod pa nga nagmotorsiklo kining nanulis gamit ang 45 nga calibre sa armas de fuego.
Di pa igo nagpa salba pa kini sa iyang armas dayon kuha sa 10 mil pesos nga halin sa maong gas station.
Daling nisibat ang suspetsado sa maong lugar apan way swerte kay nailhan kini sa pump boy kay ila diay kining regular nga customer.
Daling ni lusad og hot pursuit operation ang kapulisan og ilang nasikop ang suspetsado.
Sa imbestigasyon nasayran nga gihimo sa suspetsado ang pagpanulis kay wala pa siya gi swelduhan sugad niadtong buwan sa Hulyo.
Giandam na karon ang tukmang kaso batok sa suspetsado.
Photo Credit: Aloguinsan PS
I via Renante Lada