Cebu City – Gipasalig ni Cebu City Mayor Michael Rama nga unahon niini ug atiman, Lunes, Septembre 5, 2022 ang isyu sa mga nurses ug mga healthcare workers nga mi reklamo sa kalangan sa pagdawat sa ilang sweldo.
“We will look into that. Atoa nang tan-awon nga dili na ma-delay (We’ll make sure their salaries and allowances won’t be delayed),” mensahi ni Rama.
Dugang pasalig ni Rama sa mga healthcare workers nga madali ug check ug processed ang ilang appointment papers.
Una niini gireklamo sa mga nurses ug mga healthcare workers nga nag trabaho sa Cebu City government ang kalangan sa pag releasse sa ilang mga sweldo ug allowances.
Dunay 200 ka mga healthcare workers sa City Health Department (CH?D), walay labot sa mga nag trabaho sa Cebu City Medical Center, ang wala maka dawat sa ilang One Covid Allowance (OCA) gikan sa buwan sa Enero hangtud sa Agosto 2022.
Usa ka Ashely ( gitago ang matuud nga pangalan), kinsa nagtrabaho isip usa ka nurse, mibutyag nga wala sila maka dawat ug sa ilang suhiolan sa buwan sa Hulyo.
Job order nga mga empleyado
Ang mga medical frontliners lakip sa mga job order employees sa Cebu City Government ug matod ni Ashley nga wala kini mahatagi ug appointment papers sukad gipahibaw ni Rama nga dili tanang mga empleyado ma renew niaddtong Hulyo 1.
Pero, suma pa niini, ang maong mga healthcare workers padayon nga mi serbisyo sa syudad bisan nga walay kasiguruan nga malakip ang ilang mga pangalan sa payroll sa city hall.
“Gipa-duty mi nila nga walay appointment. Karon, dili namo madawat ang sweldo kay wala man mi appointment… Mag-submit pa ang CHD og master list ngadto sa mayor’s office,” pasabot ni Ashley.
Way tukma nga tubag
Gidugang ni Ashley nga midool na sila sa lain-laing buhatan sa City Hall apan wala sila maka kuha ug tukmang tubag.
Dunay mga medical frontliners, sigon pa ni Ashley nga mi undang na sa ilang trabaho gumikan sa kalangay sa ilang sweldo ug daghan na ang mi uli sa ilang lugar alang sa pagpangita ug laing opurtunidad.
Ang pag apod apod sa OCA ngadto sa mga medical frontliners subay kini sa Republic Act 11712, o an act granting mandatory continuing benefits and allowances to public and private healthcare workers during the Covid-19 pandemic and other future public health emergencies.
Kadtong mga OCA recipients nga ma identified nga high rish sa Covid-19 maka dawat ug ₱ 9.000 kada buwan, samtang na deployed sa moderate ug low-risk areas, entitled sila sa binuwan nga benefit nga tag P6,000 ug tag P3,000, respectively.
Nagkanayon si Ashley nga naka dungog siya ug reports nga dunay casual ug regular nga mga empleyado sa City Hall nga nakadawat na ug OCA bisan kon wala sila ma destino sa frontline. (Jhon Tadlip)
(Source: Cebu City PIO, photo courtesy by Kevin Joel Martinez)
