Ubay-ubay ka mga pamilya nga nagtukod sulod sa karaang merkado sa Dakbayan sa Mandaue ang gipang guba sa mga sakop sa Housing Urban and Development Office (HUDO).
Lunes sa buntag Septembre 5,2022 gisugdan ang pagpangguba sa karaang merkado nga nahimutang sa Barangay Centro.
Adunay 14 ka mga pamilya ang gipapauli sa lugar kung asa sila naga gikan pagpuyo kaniadto diin ang uban kanila naga gikan sa Dakbayan sa Lapu-Lapu.
Segon ni Cesar Ylanan ang pangulo sa demolition team sa HUDO nga ang gi abandoned na nga merkado dilikado kaayo sa mga namuyo kay dili na lig-on ang maong building.
Mahinumduman nga ang maong merkado gitay-og sa 7.2 magnitude nga linog niadtong Oktubre 15,2013 diin ang Sugbo ug Bohol maoy grabing na apiktuhan niini.
Gipangusgan karon sa pangagamhan sa Dakbayan sa Mandaue ang pagsusi sa mga karaang building nga dilikado na puy-an aron masiguro nga walay kinabuhi nga makalas kung adunay mga kalamidad nga muigo. (RSL, photo courtesy of HUDO)