Nagmalampuson ang gihimo nga buy-bust operation sa kapulisan sa Cebu City Police Office batok sa usa ka Regional Level Target.
Martes sa gabii,Disyembre 27,2022, didto kini nasikop sa Sitio Mahayahay, Barangay Calamba, Dakbayan sa Sugbo.
Ang suspetsado nga nasikop giila sa kapulisan sa CCPO, Station 6, nga mao si Juhndel Abanid, 22 anyos ang panuigon, resideni sa A.Lopez Street, Barangay Labangon, Siyudad sa Sugbo.
Binulto nga shabu ang nakuha sa iyang position nga adunay street value nga Kapin sa P7 Milyon.
Si Police Major Francis Renz Talosig ng hepe sa Station 6, sa Cebu City Police Office maoy nangulo sa maong operation uban sa mga sakop sa Drug Enforcement Unit (DEU).
Sa nasayran gikan kining nabilanggo sa mao ra nga kaso niadtong tuig 2018 apan sa pagkagawas na niya nibalik gihapon sa pagpamaligya sa ginadiling drugas
Sutaon pa karon sa kapulisan kung si kinsa ang tig supply og ginadiling drugas ni Abanid.
Kasong kalapasan sa RA 9165 kon Comprehensive Dangerous Drugs Act of 2002 ang ipasaka batok sa suspetsado.
Contributed Photo
I via Renante Lada