Cebu City – Mag-atubang si Cebu City Mayor Michael Rama ug election protest gikan sa iyang major opponent, Margarita “Margot” Osmeña sa bag-ong gipahigayon nga election.
Si Osmena, kinsa midagan sa pagka mayor ubos sa Bando Osmeña Pundok Kauswagan (BOPK), mipahibaw nga misang-at kini ug election protest ngadto sa Manila.
Wala hinoon, gi detalye ni Osmeña kung kanus-a, apan matod niini nga ang iyang mga abogado maoy nag handle sa kaso.
Sa iyang bahin, si Rama kinsa kasamtangan nga naa gawas sa Sugbo sa iyang special leave, nagkanayon na wala pa siya maka dawat sa kopya sa protesta.
Hinoon, matod pa nga ang iyang legal team nangandam na alang sa pag handle sa protesta.
“I have instructed my lawyers, Attorney Colin Rosell and Attorney Ernesto Rama, on how to handle things. I have not yet read the complaint,” mensahi ni Rama.
Samtang mag padayon ang protesta, gipahibaw sa mayor dili kini maka apekto sa iyang pagpangandam sa iyang sunod nga termino, nga magsugod sa Hunyo 30, 2022.
Gibutyag sa mayor ang plano sa iyang inauguration karong Hunyo 30 nga preparado na lakip na sab ang transition sa administrasyo
Si Rama maoy mitiwas sa nahibilin nga termino ni Mayor Edgar Labella, kinsa mataliwan atol sa iyang termino.
Gipahibaw na sab ni Rama ang mga priority sa iyang administrasyon. (Jhon Tadlip)
(Source: Margot Osmena Facebook account, photos courtesy of Rama and Osmeña Facebook account)